Elorda kúnine oraı Nıkol Sherzınger keledi
ASTANA. 10 maýsym. QazAqparat - «Asqaqtaı ber, Astana!» túngi bı keshi jobasynyń qonaǵy - amerıkalyq ánshi Nıkol Sherzınger. Ataqty ánshi tyńdarman qaýymǵa Pussycat Dolls tobynyń eń beldi múshesi retinde tanymal.
Bul týraly Astana qalasynyń 15 jyldyq mereıtoıyn uıymdastyrýshy komıtettiń medıatoby habarlady.
Jyl saıyn qala kúnine oraı Qazaqstan jáne shetel juldyzdarynyń qatysýymen ótetin biregeı «Asqaqtaı ber, Astana!» gala-kontserti elordanyń ózindik brendi retinde qalyptasyp úlgerdi.
Bıylǵy kontsert «Saryarqa» velotreginde ótedi. Kontsertke otandyq estradanyń tanymal ónerpazdarymen qatar álemdik jaryq juldyzdar qatysady dep kútilýde.
