Elorda kúnine arnalǵan dástúrli «Astana kúbogi» jolyndaǵy velojarys ótedi
ASTANA. 4 shilde. QazAqparat - Búgin Astana kúnine arnalǵan saltanattardyń sporttyq sharalaryn dástúrli «Astana kúbogi» velojarysy ashady.
Osymen 23-ret ótkeli otyrǵan jarysqa respýblıkanyń barlyq óńirlerinen sportshylar qatysýǵa nıet tanytqan. Kásipqoı sportshylar, sonymen qatar áýesqoılar da qatysatyn biregeı oqıǵaǵa astananyń ár turǵyny men qonaǵy kýá bola alady. Buqaralyq velojarys Dostyq jáne Táýelsizdik kóshelerimen ótedi. Trassa qashyqtyǵy 40 shaqyrym.
Doda qatysýshylarynyń barlyǵy bul sharany dástúr boıynsha qazir "Týr de Fransta" óner kórsetip jatqan «Astana» velokomandasyna arnaıdy.
Velojarystyń úzdik qatysýshysy bas júlde Astana kýbogymen jáne velosıpedpen marapattalady. Jarys aıasynda lotereıalyq bıletter oınatylady. Onyń jeńimpazy «Astana» velokomandasy sportshylarynyń qoltańbasy qoıylǵan epıkırovkaǵa ıe bolady.
Eske sala keteıik, 2 shilde kúni «Astana kýbogi» jolyndaǵy jarys aıasynda kásipqoılar arasyndaǵy jekeleı syn ótken bolatyn. 25 shaqyrymdyq qashyqtyqta baq synaǵan olardyń arasynan Dmıtrıı Rıve birinshi kelse, onyń sońyn ile Vıtalıı Zverev keldi. Úshinshi orynǵa ıÝrıı Şerbının taban tiredi. Al keshe, 3 shilde kúni 50 shaqyrymdy quraǵan komandalyq jarystar ótti.
5 men 6 shilde kúnderi sportshylar tıisinshe 64 jáne 60 shaqyrym qashyqtyqqa sozylatyn eki toptyq synǵa qatysady.
