Elorda kúninde satylǵan bıletterden túsken qarjy balalardy emdeýge jumsalady
«Astana qalasy ákimdiginiń bastamasymen qurylǵan «Báıterek» qaıyrymdylyq qory tórt jyldan beri em-dom qabyldaýdy qajet etetin múmkindigi shekteýli balalarǵa kómektesip keledi. Astana kúnine oraı uıymdastyrylǵan sharalarda bılet satýdan túsken qarjy jyl saıyn qordyń shotyna aýdarylyp, balalardy emdeýge jumsalady. Árbir elorda turǵyny men qonaǵy merekelik sharaǵa bılet satyp alyp ıgi iske óz úlesin qosady jáne balaǵa saýyǵyp ketý múmkindigin syılaıdy», - dep jazylǵan habarlamada.
Búgingi tańda kezekti aktsııaǵa qatysýǵa ata-analardan 34 ótinish kelip tústi. Em-dom júrgizýdi qajet etetin balalardyń ata-analarynan ótinishter qabyldaý jalǵasady. Elorda kúnin merekeleý aıaqtalǵan soń aktsııa qorytyndysy shyǵarylady.
Atalǵan shara ár balaǵa óziniń qıyndyqtaryna nemquraıly qaramaıtyn qoǵamnyń qoldaýyn sezinýge múmkindik beredi. Usnylǵan málimetterge sáıkes, qaıyrymdylyq qory osy kúnge deıin jınalǵan qarjymen 96 balaǵa jalpy 100 mln. teńgeden astam somaǵa materıaldyq kómek kórsetti. Balalardyń bárine Qazaqstan, Qytaı, Reseı, Izraıl, Germanııa jáne t.b. memleketterdiń medıtsınalyq mekemelerinde joǵary bilikti kómek kórsetildi.