Elorda kúninde London Koroldiginiń fılarmonııalyq orkestri óner kórsetedi
ASTANA. 20 mamyr. QazAqparat - «Astana opera» jańa Opera jáne balet teatrynyń saltanatty ashylýyna oraı London Koroldigi fılarmonııalyq orkestriniń kontserti ótedi.
Bul týraly elordanyń 15 jyldyǵyna daıyndyq jáne ony ótkizý boıynsha uıymdastyrý komıteti shtaby basshysynyń orynbasary Talǵat Kolbachaev Rrimeminister.kz saıtyna bergen suhbatynda.
«Astana opera» teatrynyń ashylýy biregeı is-sharamen atap ótiledi. Astanada alǵash ret London Koroldiginiń fılarmonııalyq orkestri kontsert beredi», - dedi T.Kolbachaev.
Ataqty orkestr Motsarttyń, Chaıkovskııdiń, Shtraýstyń jáne basqa kompozıtorlardyń úzdik týyndylaryn oryndaıtyn bolady.
Aıta ketý kerek, aty ańyzǵa aınalǵan London Koroldigi fılarmonııalyq orkestrin 1946 jyly ser Tomas Bıchem qurǵan bolatyn. 1960-jyldary orkestr Elızaveta II arnaıy jarlyǵymen «Koroldik» mártebesine ıe boldy.
Búgingi tańda orkestr Ulybrıtanııanyń jetekshi klassıkalyq ujymy bolyp tabylady.
