Elorda kúninde «Aıalaǵan Astana» ulttyq mýzykalyq televızııalyq balalar baıqaýynyń fınaldyq saıysy ótedi
ASTANA. QazAqparat - 2014 jyly 1 maýsym Balalardy qorǵaý kúni Astanada "Aıalaǵan Astana" ulttyq mýzykalyq televızııalyq balalar baıqaýynyń jeńimpazdaryna arnalǵan arnaıy mýzykalyq mektep esigin aıqara ashty. 4, 5, 6 shildede - Astana kúni ótetin baıqaýǵa daıyndalý jáne «Jańa tolqyn» baıqaýynda Qazaqstan namysyn qorǵaýǵa múmkindik alý úshin Astanaǵa elimizdiń ár aımaǵynan 16 darynda bala at aryltyp keldi.
Bul týraly qala kúnin uıymdpatyrý komıtetinen habarlady.
1 maýsym Saryarqa tósine jınalǵan balalar bir-birimen alǵash júzdesti jáne ózderiniń talanttaryn shyńdaýǵa Lına Arıfýllına sheberhanasynyń akterlik sheberlik, solfedjıo, vokal boıynsha Máskeýden kelgen ustazdarymen tanysty.
Esterińizge sala keteıik, 2014 jyly naýryz-sáýir aılarynda ótken «Aıalaǵan Astana» jobasynyń irikteý kezeńine Almaty, Taldyqorǵan, Taraz, Shymkent, Qyzylorda, Qostanaı, Oral, Atyraý, Aqtaý, Aktóbe, Qaraǵandy, Pavlodar, Semeı, Kókshetaý, Petropavl, Astana syndy elimizdiń 16 qalasynyń 8-12 jas aralyǵyndaǵy 1000-nan astam talantty balalary baq synasty.
Mamyr aıynyń ortasynda fınalǵa ótken elimizdegi eń talantty balalardyń esimderi belgili boldy. Olar: Lýıza Nurqýatova (Aqtaý); Zamıra Saǵadıeva (Zerendi); Danııa Ishanqulova (Oral); Muhamedalı Júginisov (Astana); Dılnaz Tólegen (Qyzylorda); Dıas Omar (Qyzylorda); Nastıa Pershıkova (Pavlodar); Jahan Qabyken (Astana); Malıka Samaǵulova (Pavlodar); Dılnur Birjanova (Qaraǵandy); Ǵalımurat Ábdimanapov (Jezqazǵan); Janaıgerim Ótegenov (Qostanaı); Aldııar Oreken (Ekibastuz); ıAsmın Májıtova (Almaty); Saǵynǵan Qýanǵan (Astana); Ádilet Meırambekov (Kókshetaý).
Maýsym aıy boıy balalar astanalyq mýzykalyq mektepte ózderiniń vokaldyq qabiletterin shyńdap, Rýslan Butabaevtyń jetekshiligindegi «Zaratushtra Band» jandy daýystaǵy orkestriniń súıemeldeýimen qoıylatyn televızııalyq shoýǵa daıyndalady.
Fınalǵa 12 kontserttik nómir daıyndalýda. Biri jeke oryndasa, biri topta óner kórsetedi.
«Aıalaǵan Astana» baıqaýy úsh baıqaý kúninen turady: «Balalyq shaq ánurany» (4 shilde), «Juldyzdarmen dýet jáne álemdik hıt» (5 shilde), «Atameken» (6 shilde). Osy kúnder qorytyndysyna sáıkes halyqaralyq qazylar alqasy men telekórermender "Balalarǵa arnalǵan Jańa tolqynǵa" joldama alatyn Jeńimpazdy anyqtaıtyn bolady. Sonymen birge, 1, 2, 3 oryndar men Kórermen kózaıymy jáne basty syılyq 1 mıllıon teńge qarastyrylǵan (bul aqsha balanyń shyǵarmashylyq qabiletin ári qaraı shyńdaýǵa baǵyttalady) arnaıy qarjylaı syılyqtar óz ıelerine tabystalmaq.
