Elorda kúnin merekeleý qurmetine Astanada «Il Divo» operalyq kvartetiniń kontserti ótedi
ASTANA. 20 mamyr. QazAqparat - «Astana opera» jańa opera jáne balet teatrynyń kontserttik zalynda 7 shildede «Il Divo» ataqty halyqaralyq operalyq kvartetiniń kontserti ótedi, dep habarlady elordanyń 15 jyldyǵyna daıyndyq jáne ony ótkizý boıynsha uıymdastyrý komıteti shtaby basshysynyń orynbasary Talǵat Kolbachaev Rrimeminister.kz saıtyna bergen suhbatynda.
«Mereıtoılyq merekeleý bıyl álemge áıgili «Il Divo» kvarteti usynǵan klassıkalyq mýzykanyń biregeı notalaryna toly bolady, ol 7 shildede «Astana opera» jańa opera jáne balet teatrynda óner kórsetedi», - dedi T.Kolbachaev.
Sonymen qatar, ol pop-opera ókilderiniń kontserti qarsańynda «Astana opera» teatraldyq alańynyń ashylýyna oraı klassıkalyq mýzykanyń taǵy bir juldyzdy ujymy - London Koroldik fılarmonııalyq orkestri óner kórsetetinin atap ótti.
Aıta ketý kerek, «Il Divo» toby - bul klassıkalyq operalyq daıyndyǵy bar, eń úzdik kommertsııalyq tabysty halyqaralyq pop-joba retinde Gınnesstiń rekordtar kitabyna engen oryndaýshylardyń halyqaralyq kvarteti.
Ujym óz shyǵarmashylyǵynda aǵylshyn, ıspan, ıtalıan, latyn jáne frantsýz tilderinde ánder jazyp, klassıkalyq jáne pop-mýzykany úılestire bilý arqyly aty shyqqan.
Uıymdastyrýshylardyń aıtýynsha atalǵan is-sharalar kestesinde ózgerister bolýy múmkin.
