Elorda kúni úrmeli aspaptar sherýiniń ótýine baılanysty kólik qozǵalysyna shekteý qoıylady
ASTANA. QazAqparat - Elorda kúnine oraılastyrylǵan «ASTANA SAMALY» úrmeli aspaptar sherýiniń ótýine baılanysty 2016 jyly 6 shildede Respýblıka dańǵyly boıynda QR Áskerı-tarıhı murajaıynan (Respýblıka dańǵyly,2) Jastar saraıyna deıin kólikterdiń qozǵalysyna shekteý qoıylady. Jol saǵat 10.30-dan 12.30-ǵa deıin jabylady.
Aınalyp ótýge usynylǵan baǵyttar - Beıbitshilik, Ýálıhanov kósheleri, Saryarqa dańǵyly boıynsha.
Astana q. ІІD jergilikti polıtsııa qyzmeti júrgizýshilerge muqııat bolýdy jáne kólikti úıde qaldyryp, qoǵamdyq kólikpen júrýlerin suraıdy.
Aıta keteıik, 2016 jyly 5-7 shilde aralyǵynda Astana polıtseıleri qoǵamdyq oryndarda quqyq buzýshylyqtardyń aldyn alý maqsatynda kúsheıtilgen rejımde jumys jasaıdy.
