Elorda kúni merekesinde «Astana aspany» saıabaqtar festıvali ótedi
ASTANA. QazAqparat - Astana kúnine oraı 5-7 shildede elordalyq tórt iri saıabaqtarynda «Astana aspany» festıvali ótedi. Bul is-sharany uıymdastyrý maqsaty maqsaty - qala syrtyndaǵy demalys atmosferasyn qurý, dep habarlady astana.gov.kz saıty.
Astananyń ár turǵyny kók aspan astynda, tabıǵat aıasynda demalǵanyn sezinedi desek bolady. Festıval qonaqtary shara barysynda talǵamyna saı ermek taba alady. Qalalyq saıabaqtardy Astananyń aspany biriktiredi. Ár saıabaqtyń óz ereksheligi bolady. Mysaly, «Stýdenttik» baqta «Meniń estelikterimniń bulttary» retro baǵdarlamasy kópshilik nazaryna usynylady. «Jeruıyq» saıabaǵynda elorda turǵyndary men qonaqtary «Álem juldyzdary» etno-baǵdarlamasymen tanysady, al Ortalyq mádenıet jáne demalys baǵynda jas astanalyqtarǵa arnalǵan «Balalyq shaq kempirqosaǵy», Ǵashyqtar baǵynda armanshyl jandarǵa «Mahabbat kúnshýaǵy» sharasy ótkiziledi.
Ár saıabaqta kelýshilerge tań atqannan kesh batqansha oıyn-saýyq baǵdarlamasy usynylady. Demalýshylarǵa qolaıly jaǵdaı jasaý maqsatynda qoǵamdyq tamaqtaný oryndary men oraza ustaıtyndarǵa aýyz ashýǵa arnalǵan oryndar ashylady.
