Elorda kúni qalalyq qyzmetter kúsheıtilgen rejımde qyzmet etedi
ASTANA. QazAqparat - Astana qalasynyń ákimi Áset Isekeshev Elorda kúnin merekeleýge daıyndyq jáne ony ótkizý boıynsha jıyn ótkizdi. Jıyn barysynda qala basshysy mereke kúnderi qoǵamdyq qaýipsizdikti qamtamasyz etý máselesine basa nazar aýdardy, dep habarlaıdy ákimdiktiń resmı saıty.
Mereke kúnderi quqyq qorǵaý organdary men barlyq qalalyq qyzmetter kúsheıtilgen rejımde jumys isteıdi. Sonymen qatar, qalanyń tirshilikti qamtamasyz etý nysandarynda jáne adamdar kóp jınalatyn oryndarda, sonyń ishinde merekelik sharalar ótetin jerlerde baqylaýdy kúsheıtý qajet ekendigi atap ótildi. Qala basshysy tıisti organdarǵa ýchaskelik ınspektorlardyń tirkelgen aýmaqtarynda jumystardy kúsheıtýdi tapsyrdy.
«Elorda turǵyndary men qonaqtary olardyń tynyshtyǵy men qaýipsizdigi qorǵalatynyna senimdi bolýy kerek», - dedi Á. Isekeshev. Ákim sharalar ótetin oryndarda saýda nysandaryn ornalastyrý máselelerine jeke toqtalyp, mereke kúnderi halyqqa sapaly qyzmet kórsetýdi qamtamasyz etýdi tapsyrdy.
