Elorda kúni aıasynda «Myńjyldyqtar toǵysyndaǵy Astana» kóshpeliler órkenıeti festıvali ótedi
ASTANA. QazAqparat - «Myńjyldyqtar toǵysyndaǵy Astana» kóshpeliler órkenıeti festıvaliniń baǵdarlamasy sońǵy 6 jyldaǵy eń qanyq ári qyzyqty joba bolmaq.
Bul týraly Astana kúnin uıymdastyrý komıtetiniń medıa-shtaby habarlady.
2014 jyly 4-7 shilde aralyǵynda «Han Shatyr» SOO alańynda dástúrli kıizdi paıdalana otyryp, jazyq dalada sheńberleı ornalastyrǵan, jaıma bazary jaıqalǵan jáne shatyry kóterilgen qalashyq jasalady.
Bıylǵy jyly ádettegi qalalar qorshalatyn dýaldyń ornyna kórmege arnalǵan shatyrly keshen boı kóteredi. ıAǵnı bul - abylaısha jáne qos tárizdi shatyrlarmen qorshalǵan ári arqanmen tartylǵan qurylys túri.
Bıylǵy jyldyń taǵy bir jańalyǵy - jylqy ústindegi qoıylymdarǵa arnalǵan alańnyń bolmaýy. Onyń ornyna at qulaǵynda oınaıtyn kaskaderlerdiń óner kórsetýine 1600 sharshy metr aýmaqqa qum tógilgen arnaıy alań qarastyrylady. Sonymen birge «Jel jady» ınstallıatsııasy men ádet-ǵuryp golografııalyq teatryna arnalǵan shar tárizdi keshen kelýshilerdiń qyzyǵýshylyǵyn týdyrmaq. Sondaı-aq, kóshpeliler órkenıeti festıvali aıasynda mynadaı sharalar uıymdastyrylady:
Ádet-ǵuryp golografııalyq teatry: Negizgi ustanymy naǵyz akterlerdiń vırtýaldy nysandarmen ózara qarym-qatynasynan turady - akterler men úlgi kórsetýshiler vırtýaldy sahna keńistiginde ádet-ǵuryptardy kórsetedi. Ár rásimniń kórermendi birese ózen jaǵasyna, birese kıiz úıge ornalastyratyn ózindik golografııalyq sahnasy bar. Teatr kórermeni qyr adamynyń ómir jolyn akterlermen birge birte-birte basynan ótkeredi;
Dástúrli mýzyka kontserti: dástúrli túrki mýzykalyq murasynyń janrlyq áralýandyǵy kórinis tabady: dombyradan esken kúı, qobyzdan tógilgen kóne saryn jáne basqa da mýzykalyq aspaptar, halyq ánderi men dástúrli kompozıtsııalar, tolǵaý, terme, jyrlar.
Aqyndar aıtysy: sýyrypsalma óneri men zerektikti, tapqyrlyq pen tanymdy synǵa salǵan ulttyq janr. Aıtys óneriniń ereksheligi - aıtyskerler qaı zamanda bolmasyn qoǵamnyń ótkir máselelerin qaımyqpaı ortaǵa salǵan. Baǵdarlama barysynda aıtys óneriniń «Qyz ben jigit» aıtysy, «Jumbaq aıtys», «Qaıym aıtys» jáne «Túre aıtys» túrlerinen aqyndar synǵa túsedi.
«At jalynda» at-sporty shoýy: «At jalynda» shoýynyń bıylǵy ereksheligi qummen kómkerilgen arnaıy alańnyń (65H25 m.) uıymdastyrylýy, onda kaskaderler dala tósinde sheber óner kórsetken qyr balasyndaı qaımyqbaı bar bilgenderin ortaǵa sala alady;
«Jamby atý»: ulttyq sport túri, munda qatysýshylar ózderiniń mergendikterin synǵa salady. Dástúr boıynsha, sportshy nysanasy «kesek altyn» emes, atalmysh altyn ornalasqan juqa arqan bolmaq.
Ulttyq qoldanbaly óner jármeńkesi: Shatyrly jármeńke kesheninde Uly dalanyń ulttyq-qoldanbaly óner jádigerleri kórinis tabady: zergerlik buıymdar, ulttyq ydys-aıaq, toqyma jáne kilem toqý óneri, aǵash joný men tas qashaý jáne t.b. ónerler ortaǵa salynady. Jármeńke barysynda qoldanbaly ónerden sheberlik saǵattary uıymdastyrylady;
Kóshpeli tsırk: arqanmen órmeleýshi, jongler, ekvılıbrıster óner kórsetedi
«Kıiz basý» etno-shoýy: festıval kórermenderiniń kóz aldynda kıiz basý óneriniń qyr-syry jaıylady. Sondaı-aq sheberlik saǵattary qarastyrylǵan.
«Altyn saqa» sport saıysy : festıvalǵa qatysýshylar «asyq atý» ulttyq oıynyna qatysý arqyly óz mergendikteri men eptilikterin tarazylaı alady.
« Folklorǵa toly ómir » etno-shoýy : kóshpeliler ómirindegi aıtýly oqıǵalardyń alýandylyǵyn jáne onyń folklorlyq mýzykada kórinis tapqanyn kórsetýge baǵyttalǵan. Baǵdarlamaǵa óz ultynyń folklorlyq murasyn saqtaǵan túrki halyqtarynyń ókilderi qatysady.
Ulttyq qazaq aspaptarynyń sherýi: Sherý ulttyq aspaptardyń úni arqyly qazaq folklorynyń baı murasyn pash etýge arnalǵan. Baǵdarlamada túrki álemi ókilderi aspapshylary óner kórsetedi. Shoý barysynda júrgizýshiler aspaptar týraly málimet berip otyrady.
«Kıim tarıhy» shoýy: kıim - etnografııalyq aqparattyń mańyzdy kózi, onda tek ómir salty ǵana emes, estetıkalyq jáne etıkalyq, dúnıetanymdyq syr jatady. «Kıim tarıhy» shoýynda dala tósin emgen kóshpeli ulttardyń XIX ǵasyrǵa deıingi kıimderi kórsetiledi.
Balalarǵa arnalǵan «Meniń kishkentaı kıiz úıim» sheberlik-saǵaty: sheberlik saǵaty festıvaldiń dástúrli sharasy, onda jas býynǵa kıiz úı qurylysy men ony tigýdiń qyr-syry tolyq baıandalady. Kishkentaı qonaqtardyń jas ereksheligine sáıkes, kıiz úı jabdyqtarynyń ólshemi eskerilgen.
Mýzykalyq aspaptar kórmesi: alýan túrli ulttyq mýzykalyq aspaptar qoıylady. Kelýshiler ǵasyrlar boıy saqtalǵan jádigerlerdi kórip ári ustap qana qoımaı, onyń shyǵý tarıhymen tanysyp, únin tyńdaı alady.
Qyran qus pen tazy kórmesi: kez-kelgen ańshylyq óneriniń basty nyshany - qyran búrkit pen tazy ıt. Festıval qonaqtary saıatshylyq syrlarymen tanysyp, ańǵa shyǵý saltyn saqtaǵan búgingi izbasarlarmen tildese alady.
Ulttyq taǵam: Qonaqtar qazaqtyń ulttyq taǵamdarymen tanysyp ári onyń dámin tata alady.
