Elorda kúni aıasynda Astanadaǵy birqatar sýpermarkette 50% jeńildik bolady

Shyńǵys Tobataev, Astana qalasy Kásipkerlik jáne ónerkásip basqarmasynyń saýda men qyzmet salasy bóliminiń basshysy: - Elorda kúni aıasynda qala turǵyndary men qonaqtaryna arnap Astananyń iri saýda ortalyqtarynda azyq-túlik ónimderine jeńildikter jasaý boıynsha arnaıy áleýmettik aktsııa ótkizip jatyrmyz. Atap aıtqanda, «5 mınýt» sýpermarketinde 1-19 shilde aralyǵynda ótetin jeńildikter aktsııasyn nasıhattaýǵa baǵyttalǵan kitapshalar taratylady. Kún saıyn saǵat 20:00 bastap aspazdyq taǵamdarǵa 30% jeńildik jasalady, sonymen qatar, 6 shildede Turan, 24, Jangeldın, 31A, Rysqulbekov, 4 meken-jaılary boıynsha ornalasqan dúkenderde tátti taǵamdardan dám tatýǵa bolady. Astana qalasy Kásipkerlik jáne ónerkásip basqarmasynyń habarlaýynsha, «Anvar» sýpermarketter jelisiniń barlyq dúkenderinde jeńildikter 17-50% quraıdy. «AqOrda Capital» JShS merekege oraı azyq-túlikterge (sút ónimi - 7-15%, «Assam» shaıy - 7%, jumyrtqa - 10%, qus eti - 10%, táttiler - 30%, sýsyndar - 20%) 30% deıin jeńildikter jasalady. Al, elordalyq «Green» saýda jelisi 1-7 shilde aralyǵynda «Master», «Arýjan» jáne «Han Shatyr» saýda ortalyqtarynda óz taýarlaryn 17% jeńildikpen satady jáne shildeniń 6 kúni saýda ortalyqtaryna kelýshilerge erekshe iltıpat bólinbek. Ár satyp alýshyǵa, balalarǵa tátti taǵamdar usynylady. «Astyqjan» saýda ortalyǵy Elorda kúni aıasynda turǵyndarǵa SMS habarlama jiberip, 50% jeńildikter týraly habarlaıtyn bolady. 1-6 shilde aralyǵynda «Astyqjan» dúkenderinde áleýmettik mańyzdy taýarlarǵa jeńildikter qarastyrylǵan. Sonymen qatar, «Small», «A2», «Magným Keshen end Kerı», «Astana mır vkýsa» saýda jelilerinde de aıtarlyqtaı jeńildikter bolady.