Elorda kýbogi: Alǵashqy kúni Ulttyq qurama músheleri túgel jeńiske jetti

ASTANA. KAZINFORM -  Astanada bokstan dástúrli «Elorda kýbogi»  týrnıriniń alǵashqy jarys kúni ótti.

Ulttyq olımpıadalyq komıtetten málim etkendeı, sharshy alańǵa shyqqan ulttyq qurama músheleriniń barlyǵy qarsylastarynan basym tústi.

Olardyń arasynda Mahmud Sabyrhan, Serik Temirjanov, Aslanbek Shymbergenov, Qamshybek Qońqabaevtar bar.

Sondaı-aq, jaqynda Qazaqstan azamattyǵyn alǵan etnıkalyq qazaq Aman Qonysbekov te qurama sapyndaǵy alǵashqy jeńisine qol jetkizdi.