Elorda kóshesindegi asfalt opyrylyp tústi
NUR-SULTAN. QazAqparat – Nur-Sultan qalasynda avtojoldaǵy asfalt opyrylyp túsken, dep habarlaıdy QazAqparat tilshisi.
Oqıǵa 11 sáýir kúni boldy jáne qalalyq ákimdik bolǵan jaıtqa qatysty resmı túsinik berdi.
«Kereı, Jánibek handar jáne Túrkistan kósheleriniń qıylysyndaǵy káriz qubyrynda bolǵan apattyq jaǵdaıdan joldy sý shaıyp, saldarynan joldyń júretin bóligine nuqsan kelgen. Qazirgi kezde ol jer qorshalyp, «Eco System» kommýnaldyq qyzmeti káriz qubyrynyń búlingen bóligin qalpyna keltirý jumystaryn júrgizip jatyr», - deıdi qalalyq ákimdiktiń baspasóz qyzmetinen.
Sondaı-aq, habarlamada qalalyq kólik jáne jol-kólik ınfraqurylymyn damytý basqarmasy atalǵan joldy qysqa merzim ishinde qalpyna keltiretini aıtylǵan.
Aıta ketsek, asfalttyń ortasyna opyrylyp túsken vıdeosy áleýmettik jelide tarady.
Eske sala keteıik, Nur-Sultan qalalyq monıtorıng jáne jedel áreket etý ortalyǵyna (iKOMEK-109) bıyl turǵyndardan 661 myńnan astam ótinish túsken .
Elorda turǵyndaryn negizinen densaýlyq saqtaý, qoǵamdyq kólik, abattandyrý jáne taǵy sol sııaqty máseleler alańdatady.
