Elorda kóshesinde sholaq myltyqpen júrgen Ózbekstan azamaty ustaldy
NUR-SULTAN. QazAqparat - Elorda aýmaǵynda atys qarýyn, jarylǵysh zattar men jarylǵysh qurylǵylardy paıdalaný arqyly jasalatyn qylmystardyń aldyn alý maqsatynda «Qarý-2020» sharasy ótkizilip jatyr, dep habarlaıdy QazAqparat tilshisi.
Nur-Sultan qalalyq polıtsııa departamentiniń málimetinshe, shara aıasynda júrgizilgen reıdter barysynda gaz tapanshasymen júrgen 4 adam ustaldy. Saraptama qorytyndysyna sáıkes, tárkilengen gaz tapanshalary jaraqattaıtyn oqpen atýǵa jaramdy bolyp shyqty.
«Sonymen qatar Shara Jıenqulovv kóshesi boıynda Ózbekstan Respýblıkasynyń 38 jastaǵy týmasy toqtatyldy. Onyń polıetılen paketin qaraý barysynda sholaq myltyq tabyldy. Mamannyń qorytyndysyna sáıkes, tegis ári qysqa uńǵymaly qarý 16 kalıbrli ańshy myltyǵynan qoldan jasalǵan. Zaýyt nómiri óshirilgen jáne atýǵa jaramdy. Munan bólek, polıtsııa qyzmetkerleri 20 dana oq-dári tárkiledi», - delingen vedomstvo aqparatynda.
Jedel aldyn al sharasyn ótkizý barysynda qarý-jaraq, oq-dári, jarylǵysh zattar men qurylǵylardy zańsyz daıyndaý jáne satýmen baılanysty 11 qylmys anyqtaldy. Olarǵa qatysy bar tulǵalardyń ústinen QR Qylmystyq kodeksiniń 287-babymen tergeý amaldary júrgizilip jatyr.
