Elorda kóshelerin lastaǵan 18 qurylys kompanııasy jazalandy
ASTANA. KAZINFORM – Astanada 18 qurylys nysany abattandyrý talaptaryn buzyp, kóshelerdi lastaǵany úshin jazalandy, dep habarlaıdy elorda ákimdigi.
Ákimdiktiń baspasóz qyzmetiniń habarlaýynsha, qalalyq qorshaǵan ortany baqylaý jáne sapa basqarmasy aýdan ákimdikteriniń mamandarymen birlesip, qurylys nysandarynyń arasynda birqatar buzýshylyqtardy anyqtady.
Qurylys nysandaryndaǵy dóńgelekterdi jýý pýnktiniń, negizgi jol tósemine qatty janasýynyń, qurylys qorshaýlarynyń tıisti jaı-kúıiniń bar-joǵy tekserildi. Nátıjesinde 88 nysanda talap buzylǵany anyqtaldy.
Kemshilikter joıylmaǵan jaǵdaıda polıtsııa departamenti QR ÁQBtK 505 jáne 630-baptary boıynsha qorshaýlar men dóńgelekterdi jýý pýnktteri normalarynyń talaptaryna sáıkes kelmegeni úshin ákimshilik hattamalar jasaıtynyn atap ótken jón.
Osylaısha, elordanyń tabıǵat qorǵaý polıtsııasy abattandyrý erejelerin buzǵany úshin, onyń ishinde qorshaýlardyń durys emes jaǵdaıy úshin 18 qurylys nysanyn ákimshilik jaýapkershilikke tartty. Búgingide barlyq anyqtalǵan eskertýler joıyldy.
