Elorda kósheleriniń naqty ataýlarymen Open Data portalynda tanysýǵa bolady
NUR-SULTAN. QazAqparat – Nur-Sultan qalasy kósheleriniń naqty ataýlarymen Open Data portalynda tanysýǵa bolady. Bul jaıynda elorda ákiminiń orynbasary Malıka Bekturova Telegram-da jazdy, dep habarlaıdy QazAqparat tilshisi.
Endi Open Data portalynda (api.smart.astana.kz.) Nur-Sultan qalasy kósheleriniń naqty ataýlarymen tanysýǵa múmkindik bar. Ol úshin «Qalalyq qyzmetter» - «Kóshe ataýlarynyń qazirgi tizimi» bólimine ótip, csv, json jáne xls formattaryndaǵy materıaldardy júktep alyńyz. Sonymen birge, mamandyq boıynsha dárigerlerdiń sany, olardyń tanymaldyǵy nemese tanymal emestiginiń reıtıngi, sondaı-aq medıtsınalyq uıymdar týraly aqparatty Open Data portalynda oqýǵa bolady», - dep atap ótedi qala ákiminiń orynbasary.
Sonymen qatar ol «Qazgıdromet» bóliminde kez kelgen adam elordadaǵy aýanyń monıtorıngin onlaın rejiminde kóre alatyndyǵyn atap ótedi.
Jalpy alǵanda,Open Data 8 sanattaǵy 45 málimetter jıyntyǵyn usynady. Nashar kóretinderge arnalǵan nusqa men mobıldi nusqasy da bar. Paıdalanýshynyń yńǵaılylyǵy úshin derekterdi júıege API arqyly qosýǵa bolady. Bul mysaly, keıbir startaperlarǵa vırtýaldy týroperator qurýǵa jáne týrıster úshin marshrýttar qurýǵa múmkindik beredi.
