Elorda kóshelerinen 15 myń tekshe metrge jýyq qar shyǵaryldy

NUR-SULTAN. QazAqparat - Nur-Sultan qalasy kóshelerinen 15 myń tekshe metrge jýyq qar shyǵaryldy, dep habarlaıdy QazAqparat qala ákiminiń resmı saıtyna silteme jasap.

13 qańtar kúni 938 tehnıka men 1675 jol jumysshysy elorda kóshelerin qardan tazalady.

Qala syrtyna 14 827 tekshe metr (1 236 reıs) qar shyǵaryldy.

Jalpy osy ýaqytqa deıin polıgonǵa tasymaldanǵan qar kólemi 1 755 855 tekshe metrdi (146 321 reıs) qurady.

Al búgingi túngi aýysymǵa qar tazalaýǵa 540 tehnıka birligi men 157 jol jumysshysy jumyldyryldy.