Elorda kóshelerinde kólikpen júrý ruqsatyn qalaı tekserýge bolady
NUR-SULTAN. QazAqparat - Nur-Sultan qalasy ákiminiń orynbasary Malıka Bekturova kóligińizben kóshede júrýge ruqsatyńyzdyń bar-joǵyn qalaı tekserýge bolatyndyǵyn túsindirdi, dep habarlaıdy QazAqparat.
«Shtabtyń shuǵyl baılanys ortalyqtaryna júktemeni azaıtý úshin biz @check_whitelist_quarantine_bot telegram botyn iske qostyq. Onda sizdiń avtomobıl nómirińiz ben JSN-ińizdiń tizimde bar-joǵyn tekserýge bolady. Búgingi tańda elimizdiń kóptegen qalalarynda pandemııamen kúresý sharalary qoldanylýda. Alaıda, jumys isteýge ruqsaty bar kásiporyndardyń tizimi artyp keledi», - dep jazdy ol Telegram kanalynda .
Onyń atap ótýinshe, qala kóshelerinde júrýge ruqsat etilgen avtokóliktiń memlekettik nómir belgileri men azamattyń JSN-i polıtsııa qyzmetkerleri paıdalanatyn planshetterdegi derekqorǵa engizilýi kerek.
«Júrýge ruqsattyń bar-joǵyn tekserý úshin jumys berýshi sizdi jedel shtabtyń tizimine usyný kerek. Al ótinish berýshiniń JSN-i men avtomobıl nómiri ótinimde sáıkes bolýy tıis. Bir telegram akkaýntynan bir táýlikte curanysty 5 ret qana jibere alasyz», - dep túsindirdei Malıka Bekturova.
