Elorda kóshelerinde qoǵamdyq kólikterge arnaıy jolaqtar engiziledi
"Qoǵamdyq kólikterge arnaıy jolaq belgileý jobasy ótken jyly qolǵa alynǵan bolatyn. Bul joba óz tıimdiligin kórsetip otyr. Júrgizilgen saraptama jyljymaly qoǵamdyq kólik quramynyń jyldamdyǵy 12-15 paıyzǵa artqanyn kórsetti", - dedi E. Súleımenov.
Onyń aıtýynsha, osyǵan oraı bul jobany odan ári jalǵastyrý týraly sheshim qabyldanǵan. Ol úsh kezeńmen júzege asyrylady.
"Birinshi kezeń 5 maýsymda qolǵa alynyp, Alash tas joly boıynda "Magným" saýda ortalyǵynan Ýəlıhanov kóshesine deıin, Qorǵaljyń tas joly boıynda Beısekovadan Turan dańǵylyna deıin arnaıy jolaqtar engiziledi. Ekinshi kezeń 15 maýsymynan bastap qolǵa alynyp, bul jobalar Abaı men Kenesary kóshelerinde bir baǵyttaǵy kólik qozǵalysy jobasymen birge júrgiziledi", - dedi ol.
Al úshinshi kezeńde Jeńis dańǵyly boıynda Esenberlınnen Kenesary kóshesine deıin, Baraev boıynda Qorǵaljyn tas jolynan Ýəlıhanov kóshesine deıin qoǵamdyq kólikterge arnaıy jolaqtar bolady.