Elorda kóshelerimen «Jaýjúrek polk» kolonnasy júrip ótti
Búgin Astanada «Jaýjúrek polk Astana - álem marshy» keń aýqymdy sherýi ótip jatyr. 1941-1945 jyldardaǵy soǵysta erlikpen qaza tapqan batyrlardyń esimderin máńgi umytpaýǵa baǵyttalǵan dúnıejúzilik sharany 20 000-ǵa jýyq elordalyq qoldady. Olar ekinshi Dúnıejúzilik soǵysta Otan úshin jaýmen shaıqasqa túsken atalarynyń, týǵan-týystarynyń rýhyna taǵzym etip, óz qurmetterin bildirdi.
Urpaqtar marshy osymen birneshe jyl qatarynan erikti negizde ótkizilip keledi. «Jaýjúrek polk» aktsııasy elorda ákimdiginiń jáne Astana qalasy Іshki saıasat basqarmasynyń qoldaýymen qoǵamdyq birlestikterdiń qatysýymen uıymdastyryldy. Sondaı-aq, sharany ótkizýge 100-ge tarta erikti atsalysty.
«Bul jarnamalyq shara nemese pıar bastama emes. Ony uıymdastyrýǵa osy qozǵalysty júrekterimen qoldap otyrǵan azamattar, Ekinshi dúnıejúzilik soǵysta jaýmen shaıqasqan batyrlardyń urpaqtary qoldaý kórsetti. Jáne olardyń sany jyl sanap artyp keledi», - dep málim etti «Jaýjúrek polk» aktsııasyn ótkizý jónindegi Úılestirý keńesiniń múshesi N. Ivanova.
«Bul aktsııa alǵash ret Astanada 2015 jyly ótkizilip, ol kezde sherýge 1500 adam qatysty. 2016 jyly qatysýshylar sany 7000-ǵa deıin artty. Bıyl 20 000 adamǵa jýyqtady, olar 1,2 km kolonnaǵa tizilip júrdi. Bul qatysýshylar sany jóninen eń aýqymdy marsh», deıdi uıymdastyrýshylar.
Azamattar atalarynyń, ákeleri men aǵalarynyń esimderin máńgi etý úshin júzdegen transparant, fotosýretter ala kelgen. Maıdan jyldaryndaǵy ánderdiń súıemeldeýimen jáne áskerılendirilgen tehnıkanyń erip júrýimen kolonnanyń baǵyty «Qazaq eli» monýmentinen bastalyp, Táýelsizdik dańǵylymen júrip ótti.
Astanalyqtar aktsııa ıdeıasyn jete túsinip, dúnıejúzilik azamattyq qozǵalystyń mán-mańyzy joǵary ekenin aıtady.
«Bıyl men alǵash ret qatysyp jatyrmyn. Meniń eki atam da soǵysqa qatysqan. Óz tarıhyn, ótkenin bilmeıtin adamnyń bolashaǵy joq dep oılaımyn. Sol sebepti barlyǵymyz úshin, ósip kele jatqan keıingi urpaq úshin osy oqıǵalardy umytpaı, estelikti máńgilik etý mańyzdy», - deıdi marshqa qatysýshylardyń biri ıAroslav Latyshev.
«Jaýjúrek polk Astana - álem marshy» sherýiniń baǵyty bıyl 2,5 km, al jalpy uzaqtyǵy shamamen 3,6 km qurady.
Sherý sońynda «Otan qorǵaýshylar» monýmentiniń aldynda barlyq qatysýshylar birlesip «Jeńis kúni» kompozıtsııasyn oryndady.
Atap óterligi, búgin búkil álem boıynsha ekinshi Dúnıejúzilik soǵysqa qatysýshylardyń urpaqtary «Jaýjúrek polk - álem marshy» dúnıejúzilik aktsııasyna qatysýda. Jylda bul sharanyń aýqymy keńeıip, maıdannan oralmaǵan jaýyngerlerge degen qurmet sezimin nyǵaıtyp, ardagerlerge áskerde birge bolǵan qyzmettesterin tabýǵa kómektesip otyr.
