Elorda kolledjderinde 26 myńnan astam stýdent bilim alýda
NUR-SULTAN. QazAqparat – Elordadaǵy Bilim basqarmasy basshysynyń orynbasary Baǵlan Smataeva qaladaǵy kolledj stýdentterin qajetti tehnıkamen qamtamasyz etý boıynsha túsinik berdi, dep habarlaıdy QazAqparat tilshisi.
«Tehnıkalyq jáne kásiptik bilim berý júıesine toqtalatyn bolsaq, qazirgi kezde Nur-Sultan qalasyndaǵy kolledjderde 26 myńnan astam stýdent bilim alýda. Kolledjder de oqý jylyn qashyqtan bastady. Barlyq mamandyqtar boıynsha teorııalyq sabaqtar qashyqtan ótkiziledi. Zerthanalyq jáne praktıkalyq sabaqtar, óndiristik oqytý men kásiptik praktıka keıingi merzimge aýystyryldy», - dedi B. Smataeva baspasóz máslıhatynda.
Onyń sózine qaraǵanda, basqa óńirlerden kelgen, kompıýterleri men ınterneti joq stýdentter kolledjder jataqhanalardaǵy oryndarmen jáne kompıýterlik tehnıkamen qamtamasyz etildi. Osy oraıda 255 stýdent kolledj jataqhanalary men hostelderge ornalastyryldy, onda qashyqtan oqytý úshin jaǵdaılar jasalǵan.
«Barlyq kolledjderde oqytýshylarǵa, stýdentterge jáne ata-analarǵa ýaqytyly tehnıkalyq qoldaý (onlaın keńes berý) kórsetýdi qamtamasyz etý, sondaı-aq oqý-tárbıe protsesin uıymdastyrýǵa turaqty monıtorıng pen baqylaýdy júzege asyrý jáne qashyqtan oqytý protsesinde qatysýshylarymen keri baılanys ornatý boıynsha shtab quryldy», - dedi ol.
