Elorda kókparshylary QR chempıonatynda qola júlde aldy
ASTANA. 19 maýsym. QazAqparat - Astananyń kókparshylary Qazaqstan chempıonatynda úshinshi oryn alyp, qola medalǵa ıe boldy,
dep habarlaıdy Astana qalasynyń resmı saıty Týrızm, dene tárbıesi jáne sport basqarmasyna silteme jasap.
Aqmola oblysynyń «Qulager» ıppodromynda maýsymnyń 7-17 aralyǵynda ulttyq at sporty boıynsha QR chempıonaty ótti. Synǵa elimizdiń 14 oblysy men Astana, Almaty komandalary tústi.
Elorda komandasy alańda tórt oıyn ótkizip, qola júldege ıe boldy. Alǵashqy kezdesýde astanalyqtar Almaty komandasyn 8:3 esebimen utty.
Ekinshi oıynda elordalyqtar Qostanaı komandasyn 14:1 esebimen oısyrata jeńdi. Jeńiske oıynshylardyń árqaısysy óz úlesin qosty deýge de bolady. Úsh upaıdy komandaǵa Abylaıhan Mangeldınov ákeldi.
Soltústik-Qazaqstan oblysymen kelesi kezdesý de 13:4 esebimen Astana komandasynyń paıdasyna sheshildi. Qola júlde úshin jartylaı fınaldyq kezdesýde bizdiń sportshylar 8:1 esebimen alań ıelerin utty. Eki-eki upaıdan Arslan Qabjanov, Qazbek Amangeldınov jáne Dáýlet Ombaev alyp keldi.
Birinshi oryn Taraz komandasyna buıyrsa, ekinshi orynǵa - Ońtústik-Qazaqstan komandasy shyqty. Osy jarystan keıin qatysýshylar birden Astanada jınalǵan bolatyn. Elordada da kókpardan jarys ótken edi. Oıynnan soń kórermender dala aqyndary - aıtyskerlerdiń ónerlerin tamashalady.
