Elorda kınoteatrlary jumys isteýge qanshalyqty daıyn
NUR-SULTAN. QazAqparat – Elordada 26 jeltoqsannan bastap kınoteatrlardyń jumys isteýine ruqsat berildi. Basty talap sanıtarlyq-epıdemıologııalyq normalar qatań saqtalýy tıis. Osy oraıda elorda kınoteatrlarynyń jumys isteýge daıyndyq barysy tekserildi, dep habarlaıdy QazAqparat tilshisi.
«Búginde elordadan ózge óńirlerde bas dárigerdiń qaýlysyna sáıkes kınoteatrlar jumys istep jatyr. Nur-Sultan qalasynda kınoteatrlar óz jumysyn bastaıdy. Barlyq kınoteatrlarda sanıtarlyq talaptar qatań saqtalatyn bolady. Atap aıtqanda, antıseptık pen maskanyń bolýy sonymen qatar araqashyqty saqtaýǵa asa mán beriledi. Sondaı-aq, adamdardyń tikeleı qarym-qatynasyn azaıtý maqsatynda kórermender bıletterdi onlaın satyp alady. Kassadan satyp alǵan jaǵdaıdyń ózinde termınal arqyly tólem jasaý múmkindigi bar», - dedi Qazaqstandaǵy Kinopark jáne KinoPlexx jelileriniń atqarýshy dırektory Ábdirashıd Rahmetov tilshilerdiń suraǵyna jaýap bere otyryp.
Bas dárigerdiń qaýlysyna sáıkes kıno zaldaǵy kórermenderdiń syıymdylyǵy 30%-dan artyq bolmaýy tıis.
«Zalda bir kórermennen soń 2 oryndy bos qaldyratyn bolamyz. ıAǵnı araqashyqty saqtaýǵa qatań mán beriledi. Sonymen qatar ár kınoseanstan keıin zalalsyzdandyrý júrgiziledi. Odan bólek, bizdiń qyzmetkerler de sanıtarlyq talaptardy oryndaıdy. ıAǵnı olar mindetti túrde maskamen júredi jáne jumysqa kelgende temperatýrasy tekseriledi», - deıdi ol.
Sondaı-aq, kınoteatr ókili elordalyqtarǵa qandaı fılmder kórsetiletinin aıtyp berdi.
«Astanalyqtar bıyl shyqqan kóp jańa fılmderdi kórgen joq. Olardyń qatarynda otandyq jáne sheteldik kınotýyndylar bar. Naqty aıtqanda, «Lıýbov na mıllıon», «Dovod», «Mýlan», «Bazar joq Meksıka» jáne taǵy basqa. Baǵaǵa kelsek, ózderińiz bilesizder elordada kınoteatrlar 10 aı boıy jumys istemedi jáne bul bizge ońaıǵa soqpady. Osy oraıda baǵa 20%-ǵa qymbattaıdy. Biraq, balalarǵa, stýdentterge jáne zeınetkerlerge jeńildik qarastyrylady odan basqa túrli aktsııalar uıymdastyrylady», - dedi ol.
Eske sala ketsek, elordada 26 jeltoqsannan bastap qalanyń bas sanıtarlyq dárigeri Janna Pirálıevanyń qaýlysymen kınoteatrlardyń sanıtarlyq-epıdemıologııalyq normalarǵa saı jumys isteýine ruqsat berildi.
