15:12, 22 Qańtar 2026 | GMT +5
Elorda kınoteatrlarynda esirtkiniń zııany týraly beınerolık kórsetilip jatyr
ASTANA. KAZINFORM — Astanadaǵy kınoteatrlarda esirtkige qarsy áleýmettik beınerolık kórsetile bastady, dep habarlaıdy elorda ákimdiginiń baspasóz qyzmeti.
Bul bastama nashaqorlyqtyń aldyn alýǵa, sondaı-aq jastar arasynda salaýatty ómir saltyna sanaly kózqaras qalyptastyrýǵa baǵyttalǵan.
— «Zań men tártip» narratıvi jáne «Esirtkisiz Elorda» jobasy aıasynda elordanyń Kinopark, Chaplin Cinemas jáne Cinemax kınoteatrlaryn qosa alǵanda, kınoseanstar bastalar aldynda esirtkiniń zııany týraly áleýmettik beınerolık kórsetiledi, — delingen habarlamada.
Budan buryn Almatyda túngi klýbtyń aspazy esirtki taratty degen kúdikke ilingenin jazǵanbyz.