Elorda kásiporyndaryna karantın men tótenshe jaǵdaı talaptary túsindirilýde
NUR-SULTAN. QazAqparat - Elordada ártúrli saladaǵy mobıldi toptar sharýashylyq júrgizýshi sýbektilerge karantın men tótenshe jaǵdaı talaptaryn saqtaý maqsatynda aqparattyq-túsindirý jumystaryn júrgizýde, dep habarlaıdy QazAqparat qalalyq prokýratýraǵa silteme jasap.
Prokýrorlardyń, polıtsııa qyzmetkerleriniń, ákimdik qyzmetkerleriniń jáne taýarlar men qyzmetterdiń sapasy men qaýipsizdigi departamentiniń mobıldi toptary sharýashylyq júrgizýshi sýbektilerge karantın men tótenshe jaǵdaı talaptaryn saqtaý maqsatynda aqparattyq-túsindirý jumystaryn júrgizip jatr.
«29 naýryzdaǵy jaǵdaı boıynsha, 250-den astam orta jáne shaǵyn bıznes sýbektileri qamtyldy. Onyń ishinde turǵyn úı aýlasyndaǵy dúkender, sýpermarketter, kólik jýatyn nysandar bar», - delingen baspasóz habarlamasynda.
Tekserý barysynda nysan ıeleri men jalǵa alýshylarǵa «Tótenshe jaǵdaı týraly» zańnyń talaptary, memlekettik sanıtarlyq bas dárigerdiń, ınspektordyń qaýlysy, qalalyq jedel shtabtyń koronovırýstyq ınfektsııanyń taralýyn boldyrmaý sharalary týraly sheshimi, atap aıtqanda: jumys kestesi men rejımin belgileý, sondaı-aq sanıtarlyq jáne dezınfektsııalyq sharalardyń saqtalýy týraly túsindirildi.
«Sanıtarlyq usynymdardy saqtaý - ózińdi jáne aınalańdaǵy adamdardy koronavırýstan qorǵaýdyń kepili», - delingen habarlamada.
