Elorda kásipkerleri jerdi alǵash ret elektrondyq aýktsıon arqyly aldy
Kásipkerlik sýbektilerine kóshe saýdasyn júrgizý úshin jer ýchaskilerin úlestirý alǵash ret www.gosreestr.kz portalynda júrgizildi.
«Astana» ÁKK» málimeti boıynsha, elektrondyq platforma ótinish berýden bastap elektrondyq saýdaǵy qatysý, hattamaǵa qol qoıý protsesterine deıin túgel qamtýǵa múmkindik berdi. ıAǵnı aýktsıonǵa qatysý úshin arnaıy belgilengen orynǵa barýdyń qajettiligi bolǵan joq. Saýdaǵa qatysý úshin ótinish qaldyrý, portaldaǵy jeke kabınetke kirý, sondaı-aq hattamaǵa qol qoıý ESQ (elektrondyq sandyq qoltańbanyń) kómegimen júzege asyryldy.
«Atalmysh elektrondyq platforma jer ýchaskelerin qosalqy jalgerlikke berý aýktsıonyn alǵash ret ótkizdi. Buǵan deıin portalda jeke ıelikke beriletin múlik saýdaǵa qoıylatyn. Jer ýchaskelerin úlestirý aýktsıonynyń sátti ótýi eń aldymen, shaǵyn jáne orta bıznes ókilderi arasynda «1000 oryn - kóshe saýdasy» jobasyna suranystyń joǵary ekendigin jáne aýktsıon ótkizý tásiline senim bolǵandyǵyn kórsetedi. Biz «1000 oryn - kóshe saýdasy» baǵdarlamasy aıasynda saýda oryndaryn úlestirý protsesin barynsha ashyq júrgizýdi kózdeımiz. Qoldanystaǵy sandyq tehnologııa qujattar toptamasy jáne reestrde zańsyz ózgerister engizýge jol bermeıdi. Jer ýchaskeleriniń tizimi barlyq múddeli taraptarmen kelisilgen, al baǵdarlama qatysýshysyna qoıylatyn jalǵyz talap - qoldanystaǵy zańnama talaptaryna saı áreket etý», - dep atap ótti «Astana» ÁKK» AQ basqarma tóraǵasynyń orynbasary Temirlan Nurǵısaev.
Buǵan deıin «Astana» ÁKK Nur-Sultan qalasynda kóshe saýdasyn júrgizýge saýda pavılondaryn ornalastyrý úshin jer ýchaskelerin sýbarendaǵa alý jóninde ótinishter qabyldana bastaǵanyn habarlaǵan bolatyn. Ol 20 naýryz - 4 sáýir aralyǵynda ótti. Aýktsıonǵa barlyǵy 10 jer ýchaskesi qoıyldy. Oǵan qatysý úshin barlyǵy 81 kásipkerden ótinish qabyldandy.
Saýdaǵa qoıylǵan jer ýchaskeleriniń nysanaly maqsaty - mobıldi satý núktesin (kókónis, jemis-jıdek), statsıonarlyq emes azyq-túlik ónimderin satý núktesin (nan-toqash ónimderi, sút pen shujyq ónimderi), daıyn tamaq ónimderin satý núktesin (sýsyndar, balmuzdaq, fast-fýd) ornalastyrý.