Elorda kásipkerleri qandaı máseleler boıynsha jıi shaǵymdanady
Jergilikti kásipkerlerdiń qaralǵan aryz-shaǵymdarynyń salasy áralýan, onyń ishinde atqarylǵan jumys aqysynyń tólenbeýi, jasandy sándik qoldanbaly buıymdardyń satylýy, banktegi óz qarajatyn ala almaý jáne taǵy basqa máseleler bar.
«Meniń shaǵyn lombard ortalyǵym bar. Ózimniń qol astymda jumys isteıtin kassır qyz iri kólemdegi aqshany alyp, tonap ketti. Ádildik izdep júrgenime bir jyl boldy, kúdikti áli ustalǵan joq. Barmaǵan jerim joq, endi búgin úmitpen Atamekenge keldim», - dedi astanalyq kásipker Svetlana Janaıdarova.
«Atameken» palatasynyń Astana qalalyq fılıalynda ár kásipkerdiń máselesi komıssııaly túrde jeke qaraldy.
«Kásipkerlerdiń problemalaryn aldymen óz qaraýymyzdan ótkizip, birigip jumys isteý arqyly sheshýge tyrysamyz. Olaı sheshilmegen jaǵdaıda másele quqyqtyq organdardyń aıasynda qaralady. Bizge kelgen árbir kásipkerdiń máselesi jeke qaralyp, tıisti sharalar qabyldanady», - dedi Astana qalasynyń kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl keńesiniń tóraǵasy Irak Elekeev.
Sonymen qatar, keńes tóraǵasy kásipkerlerden túsetin shaǵymdar kóbinese arhıtektýra, memlekettik satyp alý, salyq tóleý jáne jer telimine qatysty ekenin atap ótti.