Elorda kásipkerler palatasy: Qurylys salasyndaǵy tsıfrlandyrý baıaý júrip jatyr

ASTANA. QazAqparat - Qurylys salasyndaǵy biraz ruqsat berý rásimderin tsıfrlandyratyn ýaqyty keldi. Bul týraly Astana qalasy Kásipkerler palatasynyń dırektory Beısen Jolboldıev aıtty, dep habarlaıdy QazAqparat tilshisi.

«Qazirdiń ózinde kóptegen salada tsıfrlandyrý júrip jatyr. Meniń oıymsha, qurylys ındýstrııasyndaǵy biraz ruqsat berý rásimderi men basqa jumystardy tsıfrlandyrýdyń ýaqyty keldi. Bul protseste adam faktoryn barynsha shekteý kerek. Bizde keıbir jer telimderin berý kem degende alty aıǵa sozylady. Shetel tájirıbesine súıensek, bul rásimderdi retke keltirip, máseleni 20-30 kúnde sheshýge bolady», - dedi B. Jolboldıev qaladaǵy bıznes ókilderiniń Senat depýtattarymen kezdesýi kezinde.

Qalalyq kásipkerler palatasynyń málimetinshe, qurylys salasyndaǵy tsıfrlandyrý jumystary baıaý júrip jatyr. Sonymen qatar bul saladaǵy memlekettik satyp alýlar baǵytynda da kemshilikter bar. Budan basqa, merdigerler arasynda tsıfrlyq lıtsenzııalaýda da problemalar bolǵan.

Budan buryn habarlanǵandaı, kásipkerler Qurylysty qoldaý qoryn qurýdy usyndy .

Munymen qosa, elordadaǵy qurylys salasyna jeńildetilgen nesıe bólý kerek ekeni aıtyldy .