Elorda kafesinde «ystyq bálish» degen jasyryn sózben esirtki satylyp kelgen
Jedel-tergeý isiniń uzaq kesheni barysynda arnaıy operatsııa nátıjesinde elorda aýmaǵynda asa iri mólsherde esirtki quraldaryn ótkizý arnasy joıyldy.
Úı taǵamdary ázirlenetin kafelerdiń birinde esirtki satqany úshin 52 jastaǵy ıesi ustaldy.
Ol óz mekemesinde «ystyq bálish» degen kodpen esirtki zatyn satqan.
Áıel turatyn ǵımarat pen kafeni tintý kezinde satýǵa daıyndalǵan «gashısh» salynǵan 56 qaǵaz oramasy tabyldy.
Sol jerden esirtki satqannan alynǵan 2,5 mln teńge somasyndaǵy aqsha tabyldy.
Nur-Sultan qalasy PD bastyǵynyń orynbasary Qýanysh Orynbetovtyń aıtýynsha, tárkilengen esirtkiniń jalpy salmaǵy 1 kılogramnan asady.
Kúdikti áıel óz kinásin moıyndap, PD ýaqytsha ustaý ızolıatoryna qamaldy.
QR QK 297-baby 3-bóligi boıynsha sotqa deıingi tergeý amaldary júrip jatyr.
Foto: polisia.kz
