Elorda irgesindegi eldi mekenderdi damytýǵa qomaqty qarjy bólinedi
NUR-SULTAN. QazAqparat - Elorda irgesindegi eldi mekenderdi damytýǵa qomaqty qarjy bólinedi. Bul týraly búgin Nur-Sultan qalalyq strategııalyq jáne bıýdjettik josparlaý basqarmasy basshysynyń mindetin atqarýshy Aıjan Túgelbaeva aıtty, dep habarlaıdy QazAqparat tilshisi.
«Qala tóńiregindegi áleýmettik jáne ınjenerlik ınfraqurylymdardy damytý baǵdarlamasy boıynsha qosymsha 4 mln teńge bólinedi», - dedi ol Nur-Sultan qalasy ákimdigi janyndaǵy qoǵamdyq keńes otyrysynda.
Basqarma málimetterine sáıkes, atalǵan qarajat Kóktal-2, Ilınka, Óndiris, Jeleznodorojnyı turǵyn úı alaptarynda 4 sporttyq-saýyqtyrý keshenin salýǵa jumsalady.
«Qala tóńiregin damytý aıasynda bizde tizilim bekitilgen jáne osy tizilim bıyldan bastap respýblıkalyq bıýdjetten qarjylandyrylatyn bolady. Tóńirektegi barlyq ınfraqurylym jaqsara túsedi», - dedi Aıjan Túgelbaeva.
Sonymen qatar «Densaýlyq saqtaý nysandaryn salý jáne jańǵyrtý» baǵdarlamasyna qosymsha 4 mln teńge bólinedi. Bul soma №1 qalalyq aýrýhana aýmaǵynda 250 tósek-orynǵa arnalǵan perzenthana ortalyǵyn, Jeńis dańǵyly boıynsha 500 tósek-orynǵa arnalǵan qalalyq kópbeıindi aýrýhanany jobalaýǵa qarastyrylyp otyr.
