Elorda irgesinde qýraǵan aǵash órtenip jatyr
ASTANA. QazAqparat – Elorda irgesinde qýraǵan aǵash órtenip jatyr, dep habarlaıdy QazAqparat tilshisi.
Astana qalalyq tótenshe jaǵdaılar departamentiniń málimetinshe, qýraǵan aǵashtyń órtenip jatqany jaıly habarlama órt sóndirýshilerge búgin saǵat 09:12-de túsken.
«Órt sóndirýshiler oqıǵa ornyna kelgende Qorǵaljyń tasy joly men Qosshy qalasyna qaraı aınalma joldyń arasynda qýraǵan aǵashtyń órtenip jatqany anyqtaldy. Qazirgi ýaqytta jeke quramnyń 15 mamany men 3 tehnıkasy órtti sóndirip jatyr», - dep atap ótedi departamentten.
Qazirgi ýaqytta biraz jerdi sharpyǵan órtti sóndirýge uıytqı soqqan qatty jel, batpaqty jer, sonymen qatar barar joldyń joqtyǵy kedergi keltirip tur. Qazgıdromet málimetinshe, jeldiń ekpini sekýndyna 16 metrge deıin jetedi. Keshke qaraı jańbyr jaýýy múmkin.