Elorda ІІD kóliktiń kishkene balany qaǵyp ketken sáti túsirilgen vıdeoǵa qatysty túsinikteme berdi
ASTANA. QazAqparat - «Ǵalamtorda jarııalanǵan vıdeony polıtsııa qyzmetkerleri tekserip, zerdeledi», - dep habarlaıdy Astana qalasynyń ІІD baspasóz qyzmeti.
«Bul jol-kólik oqıǵasy 2014 jyly 7 mamyr kúni saǵat 12.55-te Malahov kóshesinde oryn alǵan. «Hıýndaı Aktsent» markaly kólikti basqaryp kele jatqan 40 jastaǵy astanalyq áıel joldan ótý belgisi joq jerden ótip bara jatqan 2007 jyly týǵan ul balany qaǵyp ketken. Oqıǵa saldarynan jaraqat alǵan búldirshin balalar aýrýhanasyna jetkizilip, dárigerlerdiń qaraýynan keıin úıine qaıtaryldy.
Eki jaq bitimge kelip, japa shegýshi jaq sot-medıtsınalyq ekspertızadan ótýden bas tartqan. Bul oqıǵada qylmystyq sıpat bolmaǵan soń kólik júrgizýshisine qatysty ákimshilik óndiris toqtatyldy», - delingen Astana qalalyq ІІD baspasózi joldaǵan habarlamada.
Aıta keteıik, buǵan deıin Astana qalasynda kishkene balany kóliktiń qaǵyp ketkeni túsirilgen vıdeony jarııalaǵan bolatynbyz.
