Elorda halqy qalalyq jobalar úshin onlaın daýys bere alady
NUR-SULTAN. QazAqparat - Elorda turǵyndary qalalyq jobalardyń júzege asyrylýy úshin onlaın daýys bere alady. Bul týraly «Astana - adaldyq alańy» ortalyǵynyń basshysy Mıras Shákenov aıtty, dep habarlaıdy QazAqparat tilshisi.
«Densaýlyq saqtaý salasynda barlyq protsesterdi tsıfrlandyrý boıynsha jumys jolǵa qoıyldy. Aıtalyq, qazirgi ýaqytta jumys berýshiler eńbekke jaramsyzdyq paraǵynyń túpnusqa ekenin Internet arqyly teksere alady. Osylaısha, biz eńbekke jaramsyzdyq paraǵyn daıyndaýmen balanysty kólegeıli bıznesti túbegeıli joıdyq», - dedi ol elordanyń ashyq bıýdjetiniń ınteraktıvti kartasyn engizý máselelerine arnalǵan dóńgelek ústel barysynda.
Onyń atap ótýinshe, búginde elordanyń barlyq emhanasy men aýrýhanasynda tsıfrlyq kodtar ornatylǵan. Sonyń kómegimen kelýishiler barlyq qajetti aqparatty alyp, pikir qaldyra alady.
«Saryarqa aýdany turǵyndaryn qamtamasyz etý úshin bıýdjet bóliginde elektrondy joba iske qosylǵan. Endigi ýaqytta aýdan turǵyndary jalpy daýys berý arqyly qajetti jobany anyqtaı alady. Bul ilki joba bolatyn. Kelesi jyly qala ákimdigimen birlesip, jobany keńeıtý arqyly qalanyń barlyq aýdandarynda engizýdi josparlap otyrmyz», - dedi Mıras Shákenov.
