Elorda fılarmonııasynyń ártisteri Konstıtýtsııa kúnine arnap beınebaıan túsirdi
Qala ákimdiginiń resmı saıtynda jarııalanǵanyndaı, ó ner ujymy «Konstıtýtsııa» beınebaıany qazaqstandyqtarǵa mereke kúnine ádemi jáne este qalarlyq tartý bolaryna senimdi.
Konstıtýtsııanyń ústemdigi qazirdiń ózinde eldi mańyzdy nátıjelerge jetkizdi jáne onyń ári qaraı damýyna yqpal etýde. Qazaqstandy modernızatsııalaýda elordamyz da eleýli úles qosty. Sondyqtan Nur-Sultan fılarmonııasynyń jańa jobasy bas qalanyń eń qyzyqty sáýlettik kompozıtsııalary men ǵımarattarynyń ásemdigimen órilgen.
«Qazaqstandyqtar memleketimizdiń eń mańyzdy merekeleriniń biri – Konstıtýtsııa kúnin atap ótedi. Fılarmonııa ártisteri merekege syı daıyndady. Ol bizdiń elimizdiń patrıottaryn qýantady dep senemin. Qymbatty otandastarymdy Konstıtýtsııa kúnimen shyn júrekten quttyqtaımyn jáne barlyǵymyzǵa amandyq pen Qazaqstannyń gúldenýin tileımin!» – dedi Nur-Sultan fılarmonııasynyń bas dırektory Erlan Dákenov.
«Konstıtýtsııa» beınebaıanynda elorda fılarmonııasynyń solısteri Ernur Ázimbaevtyń «Máńgilik el» patrıottyq ánin qalanyń ár jerinde – Táýelsizdik alańynda, qalalyq alańda, «Nur álem» bolashaq energııasy murajaıy, «Máńgilik El» trıýmfaldy arkasynda jáne t.b. jerlerde oryndady. Jobaǵa Estaı Muqashev, Dos, Dıana Maeva, Dıhan Ilıashev, Muratbek Haırolda, Nurbol Balapanov, Aıdyn Jumabaev, Shahrızada jáne Bıbigúl Tynyshtyq, Ákimhan Majenov, Aqbota Qusnadın jáne Dástúr Asylhan qatysty.