Elorda fılarmonııasynan urlanǵan 1,7 mlrd teńge sheteldik saparlarǵa jumsalǵan
«Ol jerde aqsha urlaýdyń eki joly bolǵan. Birinshisi, shamamen 140 «óli janǵa« jalaqy tólenip kelgen. Biz 2012 jyldan bergi kezeńdi qamtydyq. Ekinshisi, ótkizilgen kontsertterden, ǵımaratty jalǵa berýden fılarmonııa kassasyna túsken aqsha», - dedi ol.
Basqarma basshysynyń aıtýynsha, fılarmonııanyń kassıri men býhgalteri atalǵan aqshany bankke aparyp, mekemeniń esep aıyrysý shotyna salýy tıis bolǵan.
«Alaıda olar kassaǵa jalǵan kiris kassalyq orderlerin tirkep otyrǵan. Memlekettik kommýnaldyq kásiporynnyń esep aıyrysý shotynan aıtarlyqtaı uzaq merzimge sheteldik saparlarǵa, jeke maqsattarǵa aqsha qarajattary aýdarylyp otyrǵan. ıAǵnı, memlekettik kommýnaldyq kásiporynnyń aqshasy qyzmetkerler men olardyń týystarynyń jeke saparlaryna jumsalǵan. Boljamdy shyǵyn somasy 1,7 mlrd teńgeni quraıdy. Bul bizde aýdıt qorytyndysyna sáıkes tirkelgen», - dedi Bolat Hamıtov.
Buǵan deıin 1,7 mlrd teńgelik bıýdjet qarajatyn talan-tarajǵa saldy degen kúdikpen Nur-Sultan qalasy Memlekettik akademııalyq fılarmonııasynyń burynǵy eki qyzmetkeri qamaýǵa alynǵanyn habarlaǵan bolatynbyz.