Elorda: Esil ózeninde teplohodpen serýendeý qashan bastalady
NUR-SULTAN. QazAqparat - Elordada sý jaǵasynda serýendeý ádette mamyr aıynan bastalady. Jaqyn kúnderi elorda turǵyndary men qonaqtary úshin Esil ózeninde jolaýshylar teplohody iske qosylady, dep habarlaıdy qala ákimdiginiń resmı saıty.
«Nur-Sultan qalasynyń Qorshaǵan ortany qorǵaý jáne tabıǵat paıdalaný basqarmasy» MM «Jasnur» kásipornymen birlesip, Nur-Sultan qalasynda 2021 jyldyń navıgatsııalyq kezeńine daıyndyq jumystaryn bastady.
Jolaýshylar kemesiniń (shaǵyn kólemdi kemelerdiń) qaýipsizdigin arttyrý maqsatynda Esil ózeniniń ishki sý joldaryndaǵy metall tireýlerdiń jaǵalyq navıgatsııalyq-dabyldyq belgiler, navıgatsııalyq belgiler (qalqymalar) jáne qosymsha kópir belgileri ornatylady.
Kórme janyndaǵy belgilerdiń bári tazalaý, jýý jáne boıaý kezeńderinen ótedi. Sodan keıin keptirilip, sońǵy kezeńde shema boıynsha (navıgatsııalyq jabdyqtyń belgileri bar ózen ýchaskesiniń syzbasy) belgiler ornatylady.
Navıgatsııa kezinde belgilerdi qoqys pen shópten tazartý, zaqymdalǵandaryn tekserý jáne aýystyrý boıynsha qosymsha jumystar júrgiziledi.
