Elorda epıdemıologııalyq ahýaldyń nasharlaý stsenarııine daıyndalýda
NUR-SULTAN. QazAqparat - Elorda epıdemıologııalyq ahýaldyń nasharlaý stsenarııine daıyndalýda. Bul týraly #ANTIKOR.LIVE» jobasy aıasynda «ANTIKOR ORTALYǴY» adańynda Nur-Sultan qalasy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Zeken Isaqov aıtty, dep habarlaıdy QazAqparat tilshisi.
«Ótken kezeń ishinde Nur-Sultan qalasynda koronavırýs indetinen ózge karantındik jáne erekshe qaýipti ınfektsııalar jaǵdaıy tirkelgen joq. Jalpy, 2020 jyldyń 13 naýryzynan beri koronavırýstyń dáleldengen jaǵdaılar tirkeý júrgizilip kele jatyr. Osy kezeń ishinde qalada 14 213 jaǵdaı tirkelgen. Búginde aýrý kórsetkishi qalada respýblıka boıynsha birshama joǵary tolyp tur. Biz epıdemıologııalyq ahýaldyń nasharlaý stsenarııine daıyndalýdamyz. Sondyqtan qalanyń medıtsınalyq uıymdary jaǵdaıdy turaqtandyrý jáne ony baqylaýda ustaý úshin birqatar shara qabyldaýda», - dedi ol.
Departament basshysynyń aıtýynsha, qalada tumaýǵa qarsy vaktsınatsııalaý qarqyndy júrgizilýde. Nur-Sultanda 110 myń turǵynǵa ekpe jasaldy. Bul halyq sanynyń shamamen 10 paıyzyn quraıdy. Olardyń ishinde shamamen 40 myń bala ekpe aldy.
«Qala táýlik saıyn 6-dan 8-ge deıin halyqaralyq reısti qabyldaıdy. Táýligine ortasha eseppen 140 kelýshi PTR anyqtamasy bolmaǵandyqtan aýrýhanaǵa jatqyzylady. Bul protsess ary ketkende 1 táýlikke sozylady. Nátıje alynǵannan keıin patsıentte teris kórsetkish bolsa úıine jiberiledi. PTR testin tapsyrý olarǵa tegin. Qazirgi ýaqytta syrttan kelgen adamdardyń bireýinde ǵana voronavırýs anyqtaldy. Ol Reseıden kelgen azamat bolatyn. Onda aýrý sıptomsyz jáne ambýlatorlyq em qabyldaýda», - dedi Zeken Isaqov.
