Elorda emhanalarynda patsıenttiń elektrondy kartasy engiziledi
«Biz elordanyń barlyq emhanalarynda bolyp, negizigi máselelerdi zerdeledik. Sonymen qatar, olarǵa sheteldik jáne reseılik emhanalarǵa qoldanylatyn eń úzdik tájirıbelerdi tanystyrdyq. Qazirgi ýaqytta emhanalardyń bas dárigerleri men densaýlyq saqtaý basqarmasy bul máselemen, ıaǵnı elektrondy kezekti qurý, patsıentterdiń elektrondy kartasyn engizý jáne navıgatsııalyq máseleler boıynsha jumys istep jatyr», - dedi ol elorda ákimdiginde ótken semınar aıasynda BAQ ókilderine bergen suhbatynda.
Suhbat barysynda ol QR Memlekettik qyzmet isteri jáne sybaılas jemqorlyqqa qarsy is-qımyl agenttigi men Astana qalasy ákimdiginiń birlesken «Astana adaldyq alańy» jobasynyń bıylǵy jyldyń 7 aqpanynan bastap iske asyrylyp jatqanyn aıtty. Joba maqsaty - qalany qolaıly ortaǵa aınaldyrý, ákimshilik kedergilerdi joıý, naqty aıtqanda turmystyq jemqorlyqty boldyrmaý.
Aıta keteıik, semınardy QR Memlekettik qyzmet isteri jáne sybaılas jemqorlyqqa qarsy is-qımyl agenttigi Astana qalasy ákimdigimen birlesip, memlekettik qyzmetshilerdiń ádep deńgeıin kóterý, kórsetiletin memlekettik qyzmetterdiń sapasyn arttyrý maqsatynda pikirtalas túrinde ótkizgen bolatyn.
