Elorda emhanalarynda qosymsha qabyldaýlar ótýde
ASTANA. QazAqparat -18-19 jeltoqsanda barlyq emhanalarda dárigerler qosymsha qabyldaýlar ótkizedi, dep habarlaıdy Astana ákimdiginiń baspasóz qyzmeti.
«Jiti respıratorlyq aýrýlarǵa shaldyǵý jaǵdaılarynyń artýyna baılanysty jáne medıtsınalyq kómektiń qoljetimdiligin arttyrý úshin 2016 jyldyń 18-19 jeltoqsanynda barlyq qalalyq emhanalarda, «Demeý» oqytý-klınıkalyq ortalyǵynda, «Dostyq», «Nıet» otbasylyq densaýlyq ortalyǵynda saǵat keshki 18.00-ge deıin dárigerlerdiń qabyldaýy uıymdastyrylýda»,-dep habarlaıdy Astana ákimdiginiń baspasóz qyzmeti.
Astana qalasynyń densaýlyq saqtaý basqarmasynyń habarlaýynsha, sondaı-aq 22 kezekshi brıgada shaqyrýlar boıynsha barady.
Aýrýdyń belgileri biline bastasa, turǵylyqty jerińiz boıynsha emhanaǵa júginip, medıtsınalyq kómek alýyńyzǵa bolady.
