Elorda emhanalary jekeshelendiriledi
ASTANA. QazAqparat - Taıaý ýaqytta elorda emhanalaryn jekeshelendirý jumystary bastalady. Bul týraly Astana qalalyq qoǵamdyq densaýlyq saqtaý basqarmasynyń basshysy Kamaljan Nádirov aıtty, dep habarlaıdy QazAqparat tilshisi.
«Emhanalardy jekeshelendirýge qatysty aıtar bolsam, biz mundaı stsenarııdi de qarastyryp jatyrmyz. Qazirgi ýaqytta áleýetti ınvestorlarǵa sapany baǵalaý talaptary men ındıkatorlary ázirlenýde. Sondyqtan taıaý ýaqytta atalǵan jobany júzege asyrýǵa kirisetin bolamyz», - dedi ol Dúnıejúzilik densaýlyq saqtaý uıymynyń alǵashqy medıtsınalyq-sanıtarlyq kómek jónindegi jahandyq konferentsııasy aıasynda BAQ ókilderine bergen suhbatynda.
Basqarma basshysynyń aıtýyna qaraǵanda, búgingi kúni elordadaǵy emhanalardy jekeshelendirýge qyzyǵýshylyq tanytyp otyrǵandar bar.
«Qyzyǵýshylyq bar. Eger bul iske durys kirissek, medıtsınalyq kómektiń jaqsy sapasyn saqtap, basqarýdyń durys menedjmentin engizý arqyly barlyǵyna da tıimdi jasaýǵa bolady. Halyq úshin - bul medıtsınalyq uıymdar arasyndaǵy básekelestiktiń artýy. Óıtkeni, patsıenttiń kez kelgen ýaqytta medıtsınalyq uıymdy tańdaýǵa quqy bar. Al bul medıtsınalyq qyzmetterdi jetkizýshilerdi únemi jetilip otyrýǵa májbúrleıdi», - dedi Kamaljan Nádirov.
Buǵan deıin Kamaljan Nádirov elorda turǵyndarynyń 20 paıyzy jeke klınıkada, al 80 paıyzy memlekettik emhanalarǵa tirkelgenin aıtqan edi.
Sondaı-aq elimizde týberkýlez dertinen jylyna qansha adam kóz jumatyny belgili boldy.
Aıta keteıik, keshe elordada Dúnıejúzilik densaýlyq saqtaý uıymynyń alǵashqy medıtsınalyq-sanıtarlyq kómek jónindegi jahandyq konferentsııasy bastaldy. Halyqaralyq jıyn qatysýshylaryna Elbasy N.Nazarbaev vıdeojoldaý joldady.
