Elorda eltańbasyndaǵy jazý ózgeredi
NUR-SULTAN. QazAqparat - Elorda eltańbasyndaǵy "Astana" jazýy "Nur-Sultan" dep ózgertiledi. Mundaı sheshimdi búgin Nur-Sultan qalalyq qoǵamdyq keńesi qabyldady, dep habarlaıdy QazAqparat tilshisi.
Otyrysta Nur-Sultan qalalyq tilderdi damytý jáne muraǵat isteri basqarmasy bastyǵynyń orynbasary Sáken Esirkep QR Prezıdentiniń "QR astanasy Astana qalasyn QR astanasy Nur-Sultan qalasy dep qaıta ataý týraly" 2019 jylǵy 23 naýryzdaǵy №6 Jarlyǵy men 2007 jylǵy 21 shildedegi "QR astanasynyń mártebesi týraly" Zańnyń 3-babyna sáıkes Nur-Sultan qalalyq qoǵamdyq keńesiniń qaraýyna "QR astanasy Astana qalasynyń rámizderi týraly" Astana qalasy máslıhatynyń 2008 jylǵy 5 maýsymdaǵy №109/16-4.4 sheshimine ózgerister týraly sheshimniń jobasyn usyndy.
"Elorda eltańbasyndaǵy "Astana" degen jazýdy latyn árpindegi "Nur-Sultan" degen jazýmen aýystyrý týraly usynysty qoldaýlaryńyzdy suraımyz. Eltańbadaǵy burynǵy "Astana" degen jazý latyn árpindegi "Nur-Sultan" degen sózben ǵana aýysty. qalǵan elementterdiń barlyǵy saqtalady", -dedi S.Esirkep.
Qoǵamdyq keńes músheleri bul usynysty biraýyzdan qoldady.
