Elorda - elimizdiń júregi, táýelsizdigimizdiń nyshany, halqymyzdyń maqtanyshy - Á.Jaqsybekov
ASTANA. QazAqparat - Astana qalasynyń ákimi Ádilbek Jaqsybekov elorda turǵyndary men qonaqtaryn Astana kúnimen quttyqtady.
Qurmetti astanalyqtar jáne elorda qonaqtary!
Sizderdi Astana kúni merekesimen shyn júrekten quttyqtaımyn!
Astana kúni - jalpy respýblıka halqy bolyp toılaıtyn ataýly meıram. Qysqa merzimde sáýleti men dáýleti kelisken shaharymyz álemdegi eń úzdik qalalardyń birine aınaldy.
Elorda - elimizdiń júregi, táýelsizdigimizdiń nyshany, halqymyzdyń maqtanyshy. Ýaqyt ótken saıyn turǵyndardyń áleýmettik jaǵdaıy jaqsaryp, qaladaǵy oń ózgerister ózge óńirlerge úlgi bolýda.
Aldymyzda Elbasy belgilegen bıik mindetter men josparly jumystar bar. Іshki tatýlyǵymyz ben qajyrly eńbegimizdiń arqasynda atalǵan mejeni de abyroımen baǵyndyramyz dep senemin.
Sizderge zor densaýlyq, qajymas qaırat, otbasylyq baqyt tileımin!
Astana qalasynyń ákimi Ádilbek Jaqsybekov
