Elorda dárigerleri temekiniń zııandy áseri jáne ókpe aýrýy týraly jalpyǵa arnalǵan tegin ǵylymı keńes berýdi uıymdastyrdy
ASTANA. QazAqparat - 18 qarashada Astanadaǵy № 1 qalalyq aýrýhana bazasynda Dúnıejúzilik sozylmaly obstrýktıvti ókpe aýrýlaryna (SOÓA) qarsy kúres kúni ótedi. Shara barysynda elordalyq belgili pýlmonolog dárigerler naýqastarǵa keńes berip, dárigerler úshin dáris oqıdy, dep habarlady qalalyq ákimdiktiń resmı saıtynda.
Keńes alýǵa jáne dáris tyńdaýǵa qyzyǵýshylyq tanytqandarǵa № 1 qalalyq emhanaǵa tegin jol júrý uıymdastyrylǵan. Avtobýstar kelesi medıtsınalyq meken jaılardan qatynaıdy: 1) № 5 qalalyq emhana (Aqan seri kóshesi, 20) 11-den 11:30-ǵa deıin; 2) № 4 qalalyq emhana (Shevchenko kóshesi, 1) 11-den 11:30-ǵa deıin; 3) «Shapaǵat» AMSK Ortalyǵy (Abylaı han dańǵyly, 30) 11-den 11:30-ǵa deıin Aıta keteıik, atalǵan aktsııanyń maqsaty - aýrý týraly málimetterdi keńinen arttyrý, naýqastarǵa kórsetiletin kómekti jaqsartý, temekige táýeldiliktiń taralýyn tómendetýge áser etý, temekige qarsy kúreske halyqtyń barlyq toptaryn tartý, temeki shegýdiń aldyn alý jáne temekiniń aǵzaǵa zııandy áseri týraly qoǵamdy aqparattandyrý.
