Elorda dárigerleri men medbıkeleri qala turǵyndarynan kómek surady
QR Densaýlyq saqtaý mınıstrliginiń qoǵammen baılanys departamenti dırektorynyń orynbasary Gaýhar Bısarına Facebook paraqshasyna jarııalaǵan vıdeoda elordanyń dárigerleri, meıirbıkeler, jedel járdem qyzmetkerleri qala turǵyndaryn koronavıırýs indetin jeńý úshin úıde otyrýǵa shaqyrady.
«Meniń atym Baqytjan. Biz Nur-Sultan qalasynyń dárigerlerimiz. Qazir qıyn-qystaý kezeńnen ótip jatyrmyz. Sizderden kómek suraımyz. Úıde otyryńyzdar», - deıdi dárigerlerdiń biri.
Infektsıonıst-dáriger Aqbota da qazir mańyzdy sát ekenin, bul jattyǵý emestigin basa aıta kele indetten qorǵanýdyń jalǵyz múmkindigi - úıde bolý ekenin basa aıtady.
«Meniń balalarym úıde otyr. Sizdiń balalaryńyz she? Úıde qalýyńyzdy suraımyn», - deıdi medıtsına salasynda 20 jyldan beri jumys istep kele jatqan Jupargúl esimdi meıirbıke.