Elorda dárigerleri medıtsınalyq saqtandyrý júıesine daıyn ba
Mindetti áleýmettik medıtsınalyq saqtandyrý - densaýlyq saqtaý salasyndaǵy áleýmettik qorǵaýdyń memlekettik júıesi. Bul júıe bizdiń elimizde 2020 jyldyń 1 qańtarynan bastap iske qosylady
MÁMS treneri Gúlim Oshaqbaıqyzy Asylbekova men «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıaly dırektorynyń orynbasary Aınagúl Dáýletshına medıtsına qaýymyna MÁMS boıynsha densaýlyq saqtaý salasynda bolatyn ózgeristerge naqty toqtala otyryp, ishki baǵyttary boıynsha tereńirek túsindire kele, jınalǵandardyń saýaldaryna jaýap berdi.
Aıta keteıik, Qazaqstan Respýblıkasynyń Úkimeti 2019 jyldyń 20 maýsymynda № 420 jáne № 421 Qaýlysymen aldaǵy jyly tegin medıtsınalyq kómektiń kepildendirilgen kóleminde jáne mindetti áleýmettik medıtsınalyq saqtandyrý júıesi (TMKKK jáne MÁMS) boıynsha kórsetiletin qyzmetter tizimin bekitti. MÁMS júıesi iske qosylatyn 2020 jyldyń 1 qańtarynan bastap elorda turǵyndaryna osy eki túrli paket boıynsha medıtsınalyq kómek kórsetiledi.
Birinshisi – tegin medıtsınalyq kómektiń kepildendirilgen (TMKKK) paketi. TMKKK paketi boıynsha bastapqy medıtsınalyq-sanıtarlyq kómek azamattardyń bárine (saqtandyrylǵan-saqtandyrylmaǵanyna qaramastan), tegin kórsetiledi.
TMKKK paketine saqtandyrý júıesindegi mártebesine qaramastan, eldiń barlyq turǵyndaryna qoljetimdi qyzmetter:
- jedel járdem jáne sanıtarlyq avıatsııa;
- bastapqy medıtsınalyq-sanıtarlyq kómek;
- shuǵyl statsıonarlyq kómek;
- pallıatıvtik kómek. engizilgen.
Sonymen qatar, áleýmettik mańyzy bar aýrýlar jáne negizgi sozylmaly (25) aýrýlar kezinde kórsetiletin medıtsınalyq qyzmet:
- konsýltatsııalyq-dıagnostıkalyq kómek;
- ambýlatorııa deńgeıinde dári-dármekpen qamtamasyz etý;
- statsıonardy almastyratyn kómek;
- josparly statsıonarlyq kómek;
- týberkýlezge shaldyqqandardy medıtsınalyq ońaltý.
Ekinshisi – mindetti áleýmettik medıtsınalyq saqtandyrý (MÁMS) paketi.
MÁMS paketindegi saqtandyrylǵan azamattarǵa arnalǵan medıtsınalyq qyzmetter:
- konsýltatsııalyq-dıagnostıkalyq kómek;
- baǵasy qymbat turatyn dıagnostıkalyq (KT, MRT, PTR, IFT) jáne zerthanalyq qyzmetter;
- TMKKK paketine enbegen syrqattardy ambýlatorııa deńgeıinde dári-dármekpen qamtamasyz etý;
- TMKKK paketine kirmeıtin syrqattarǵa statsıonardy almastyratyn kómek kórsetý;
- TMKKK paketine kirmeıtin syrqattarǵa josparly statsıonarlyq kómek kórsetý;
- medıtsınalyq ońaltý jáne qalpyna keltirý emi (týberkýlezben aýyratyn naýqastardy medıtsınalyq ońaltý sharalaryn qospaǵanda).
Mindetti áleýmettik medıtsınalyq saqtandyrý júıesiniń artyqshylyǵy – jarnany árkim múmkindigine qaraı tólep, qajetine qaraı medıtsınalyq qyzmet kórsetiletindiginde. ıAǵnı, MÁMS aıasynda qyzmet kórsetetin medıtsınalyq uıymnan qajettiligińizge qaraı, syrqatyńyzdy qansha ýaqyt emdeý kerek bolsa, sonsha medıtsınalyq kómek alýǵa quqylysyz, biraq alatyn medıtsınalyq kómek kólemi dárigerdiń taǵaıyndaýyna baılanysty. MÁMS paketine kiretin qyzmetter tolyq kórsetiledi jáne qosymsha aqy tóleýdi qajet etpeıdi.
Qazirgi tańda elordamyzdaǵy emdeý mekemelerimen qatar, turǵyndar arasynda, sondaı-aq jumys berýshi uıymdar arasynda aqparattyq túsindirý is-sharalary da jalǵasýda. Budan bólek, «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Nur-Sultan qalasy boıynsha fılıalynyń Halyqty aqparattandyrý jáne ótinishterdi qarastyrý bólimi ár aptanyń dúısenbi kúnderi HQKO-da, juma kúnderi «Nur-Otan» partııasy» qoǵamdyq birlestiginiń qalalyq fılıalynda aqparat-keńes berý jumystaryn júrgizedi. Sondaı-aq, Medıtsınalyq saqtandyrý qory óz baılanysyn iske qosty. Endi 1406 nómiri arqyly medıtsınalyq saqtandyrýǵa qatysty kez kelgen suraqqa jaýap alýǵa bolady.
Biz sózben aıtqanda, elimizdegi, elordamyzdaǵy emdeý mekemeleri medıtsınalyq saqtandyrý júıesi boıynsha jumys júrgizýge jumyldyrylýda. Eki kúnge josparlanǵan atalmysh semınar erteń de jalǵasady.
