Elorda Cup boks týrnırinde elimizdiń erler quramasy birinshi oryn aldy

ASTANA. QazAqparat - Bokstan halyqaralyq Elorda Cup týrnırinde elimizdiń erler quramasy medaldar kestesinde birinshi oryn aldy, dep habarlaıdy QazAqparat tilshisi.

Halyqaralyq týrnırde barlyǵy 10 elden 200-den astam sportshy jarys medaline talasty.

Olardyń arasynda Ózbekstan, Qytaı, Úndistan, Mońǵolııa jáne ózge de memleketterdiń ókilderi bar.

El quramasynan segiz boksshy jeńis tuǵyryna kóterildi.

Olar - Temirtas Júsipov (48 keli), Sáken Bıbosynov (51 keli), Tımýr Qabdesh (54 keli), Mahmýd Sabyrhan (57 keli), Ertýǵan Zeınýllınov (63,5 keli), Nurqanat Raıys (75 keli), Abzal Quttybekov (86 keli) jáne Saǵyndyq Toǵambaı (92 keli).

Halyqaralyq týrnırde ózbekstandyq boksshylar úsh «altyn» alsa, bireýi Tájikstan sportshysyna buıyrdy.

Eske salsaq, atalǵan týrnırde Qazaqstan qyzdar quramasy segiz «altyn» medal aldy.