Elorda bıýdjetiniń oryndalýynda eleýli kemshilikter bolǵan - komıssııa
«Nur-Sultan qalasynyń Qoǵamdyq densaýlyq saqtaý basqarmasy boıynsha memlekettik aýdıt barysynda 1 jeltoqsandaǵy (2020 jylǵy) jaǵdaı boıynsha vaktsınalardy jáne basqa da medıtsınalyq preparattardy ortalyqtandyrylǵan satyp alýǵa jáne saqtaýǵa bólingen 421,5 mln teńge bıýdjet qarajaty ıgerilmegen», - dedi I. Aqpombaev Nur-Sultan qalasynyń máslıhatynda Bıýdjet, ekonomıka, ónerkásip jáne kásipkerlik máseleleri jónindegi turaqty komıssııanyń otyrysynda.
Buǵan deıin spıker tekserý komıssııasy turaqty negizde elordada bıýdjettiń oryndalýyna monıtorıng júrgizetinin aıtqan edi. Taldaý kórsetkendeı, elorda bıýdjetiniń oryndalýynda eleýli kemshilikter bolǵan.
Onyń aıtýynsha, bıýdjet ıgerilmeýiniń negizgi bóligi qurylys basqarmasynda baıqalǵan. Bıýdjettiń oryndalýy kezinde syn-táýekelder anyqtalmaǵan jáne 6 283,1 mln teńgeni, onyń ishinde daǵdarysqa qarsy 3 955,3 mln teńgeni ıgerý boıynsha shara qabyldanbaǵan.
