Elorda bıýdjeti ulǵaıa ma
ASTANA. KAZINFORM – Byltyrǵy statıstıka boıynsha, Astananyń bıýdjeti – 1,8 trıllıon teńge. Onyń 1,2 trıllıony – shahardyń óz tabysy. Bul jóninde QR Ulttyq ekonomıka vıtse-mınıstri Baýyrjan Omarbekov málimdedi.
Sonymen birge, ol «Qazaqstan Respýblıkasy astanasynyń mártebesi týraly» zań jobasy qabyldansa, elorda bıýdjetine qalaı áser etetinine toqtaldy.
– Astananyń qazir de erekshe statýsy bar. Biraq buǵan deıin konstıtýtsııalyq zań deńgeıinde emes, jaı zań deńgeıinde bolǵan. Astana qalasynyń bıýdjeti qazir 1,8 trıllıon teńgeniń kóleminde. Respýblıkalyq bıýdjetten nemese joǵary turǵan bıýdjetten dep aıtamyz jalpy, transfertteri bar – 500 mıllıard teńge shamasynda. Al elordanyń ózindik tabysy – 1,2 trıllıon teńgeniń kóleminde. Bul – 2025 jyldyń qorytyndysy. Al zań qabyldanǵannan keıin, shahardyń bıýdjeti ulǵaıady nemese qysqarady degen jospar joq. Qalanyń uzaq merzimdi jáne qysqa merzimdi strategııalyq qujattary bar, sonyń aıasynda odan ári damıdy, - dedi Baýyrjan Omarbekov QR Parlamenti palatalarynyń birlesken otyrysynan keıin kýlýarda jýrnalıster suraǵyna jaýap bere otyryp.
Aıta keteıik, buǵan deıin QR Parlamenti palatalarynyń birlesken otyrysynda «Qazaqstan Respýblıkasy astanasynyń mártebesi týraly» zań jobasy birinshi oqylymda maquldanǵanyn jazǵanbyz.
