Elorda búldirshinderine túriktiń «Qaragóz -Hadjıvat» qýyrshaq teatrynyń qoıylymy kórsetilýde
ASTANA. QazAqparat - 23 sáýir Túrkııada Atatúriktiń jarlyǵymen Ulttyq egemendik jáne balalar merekesi retinde jyl saıyn atap ótiledi.
Jaqyndap kele jatqan osy meırammen qatar, Túrkııa - Qazaqstan arasyndaǵy dıplomatııalyq baılanystyń ornaýynyń 25 jyldyǵy, sondaı -aq halyqaralyq EKSPO- 2017 kórmesine baılanysty Túrkııanyń Qazaqstandaǵy elshiligi men Astanadaǵy ıÝnýs Emre atyndaǵy túrik mádenıet ortalyǵy birlese otyryp, «Karagóz -Hadjıvat» qýyrshaq teatry qoıylymyn ótkizýde. Atalǵan shara Astana qalasy Bilim basqarmasynyń da qoldaýymen bastaýysh mektepter men balalar úıinde aqysyz negizde usynylýda. Kóńildi qoıylym arqyly baýyrlas túrik eli týraly tanymdyq málimet bere otyryp, eki el arasyndaǵy mádenı baılanystardyń nyǵaıýyna úles qosý kózdelýde.
Alǵashqy kórsetilim keshe, 7 sáýir kúni № 59 mektep pen «Balalar aýylynda» ótti. Kórsetilimdi qazaqstandyq akter Oljas Ibraev oryndaıdy. Atalǵan túrik qýyrshaq teatryn elordalyq balalar 2016 jyly da úlken qyzyǵýshylyqpen tamashalaǵan bolatyn. Aldaǵy únderi Astanadaǵy bastaýysh mektepter men balalar úıinde kórsetilim jalǵasady.
«Qaragóz ben Hadjıvat»betpe -bet bir birlerimen qaǵyta sóılese otyryp, qýyrshaqtardyń eki ólshemdi sýretteri perdege túsirilip qoıylatyn kóleńke oıyny bolyp tabylady. Negizgi bas keıipkerler ekeý, esimderi -Karagóz ben Hadjıvat. Pesadaǵy dıalogtar adamdardy kúldire otyryp oılandyrady.
