Elorda birtindep qalypty ómir arnasyna túsedi - Altaı Kólginov
NUR-SULTAN. QazAqparat - Elorda birtindep qalypty ómir arnasyna túsedi. Bul týraly «Astana» telearnasyna suhbat bergen elorda ákimi Altaı Kólginov aıtty, dep habarlaıdy QazAqparat tilshisi.
«Árıne, karantın óz túzetýin engizip ketti. Kóptegen kásiporyn jumysyn toqtatty. Bul qajetti shara edi. Sonyń arqasynda indetti oqshaýlaı aldyq. Degenmen, táýekel áli de qalyp otyrǵanymen epıdemıologııalyq ahýal birtindep jaqsaryp kele jatyr. Táýligine indet juqtyrǵan 60-qa jýyq naýqasty anyqtaǵan kez boldy. Odan keıin jappaı testileýdi bastadyq», - dedi Altaı Kólginov.
Sonymen qatar ol koronavırýs indeti taralýynyń báseńdeýine baılanysty memlekettik komıssııa sheshimimen birtindep karantın sharalary jeńildetilip jatqanyn aıtty.
«Biraq, turǵyndarǵa aıtarym, bosańsýǵa bolmaıdy. Eger sanıtarlyq talaptardy, ıaǵnı, ara qashyqtyq ustaý, adamdar kóp jınalatyn jerde maska taǵý, qoldy únemdi jýý talaptaryn saqtamasaq karantın rejımine qaıta oralýymyz múmkin. Muny qalamaımyz. Sondyqtan sanıtarlyq jańa talap, karantındik rejım talaptary aıasynda ómir súrýge daǵdylanýǵa tıispiz. Bul óte mańyzdy. Degenmen, epıdemıologııalyq ahýaldyń jaqsara túsýine qaraı birtindep qalypty ómir arnasyna túsemiz dep oılaımyn», - dedi elorda ákimi.
